Shkencëtarët anglez kanë zbuluar se viruse të ngjashëm me llojin që shkakton Covid-19, mund të mbij.etojnë në pëlhura të veshura deri në tre ditë.
Një studim nga Universiteti De Montfort në Leicester testoi modele të koronavirusit në poliestër, polikoton dhe 100% pambuk.
Rezultatet sugjeruan se poliesteri paraqiste rrezikun më të lartë se sa dy llojet e tjera të pëlhurave.
Mikrobiologu Dr Katie Laird, i cili drejtoi studimin, tha se materialet, të përdorura zakonisht në uniformat e kujdesit shëndetësor, përbënin një rrezik transmetimi.
Rezultatet treguan se poliesteri paraqiste rrezikun më të lartë të transmetimit, me virusin akoma të pranishëm pas tre ditësh dhe me aftësinë për tu transferuar në sipërfaqe të tjera.
Në pambuk 100%, virusi zgjati për 24 orë, ndërsa në polikoton, virusi mbijetoi vetëm për gjashtë orë.
“Kur filloi pandemia për herë të parë, kishte shumë pak informacion se sa kohë koronavirusi mund të mbi.jetonte në tekstile,” tha Dr Laird, i cili është kreu i grupit të universitetit për kërkimin e sëmundjeve infektive në DMU.
“Gjetjet tona tregojnë se tre prej tekstileve më të përdorura në kujdesin shëndetësor paraqesin rrezik për transmetimin e virusit.
Nëse infermierët dhe punonjësit e kujdesit shëndetësor marrin uniformat e tyre në shtëpi, ata mund të lënë gjurmë të virusit në sipërfaqe të tjera.”, shtoi Lard.
Studimi gjithashtu shqyrtoi metodën më të besueshme të larjes për heqjen e virusit nga pëlhura 100% pambuk.
Vetëm kur u përdor detergjent dhe temperatura u rrit në mbi 67 ° C, virusi u ele.minua plotësisht.
Studimi zbuloi se nuk kishte rrezik të ndotjes së kryqëzuar kur sendet e pastra laheshin me ato që kishin gjurmë të virusit.
