Moderatori i njohur, Ardit Gjebrea është infektuar me Covid-19. Këtë lajm e ka konfirmuar vetë Gjebrea me anë të një postimi në rrjetin social Instagram, në Instastory.

Ai është infektuar tre ditë më parë dhe tashmë ndodhet i izoluar në shtëpinë e tij.

Gjebrea bën dhe pyetjen retorike “ç’mund të bëjë njeriu i mbyllur në shtëpi?!” dhe është përgjigjur duke thënë se mendon gjithmonë për punën.

Reagimi i plotë:

Nuk po obobo-hem sepse me temperaturë jo shumë të lartë jam. E c’mund të bëjë njeriu i mbyllur në shtëpi? Mendon gjithmonë për punën dhe në fakt me të gjithë vështirësitë që na përballi koha, na zhvilloi instiktin e gjetjes së alternativës që në këtë rast do të thotë: E Diela Shqiptare do të zhvillohet të dielën, sigurisht bashkë, por nga shtëpia.