Teksa i shikon sot në faqet e para të gazetave dhe revistave e ke paksa të vështirë të besosh që para se të ishin kaq të njohur kanë qenë njerëz të thjeshtë. Gjatë një vëzhgimi, Pamfleti ju sjell disa nga emrat e personazheve për të cilët rrugëtimi ka qenë shumë i vështirë por sot jetojnë mes parave dhe famës.
Genta Ismaili
Ajo sot është një nga këngëtaret më të komentuar dhe ka një karrierë të gjatë muzikore por puna e saj e parë ka qenë kasiere. Në moshën 19 vjeçare, u kthye në Kosovë për të kënduar kengen me titull “Dridhem”. Këngë u bë një hit i menjëhershëm dhe hapi para Gentes karrierën e muzikës. U zhvendos në Kosovë dhe filloi nje karriere mjaft te suksesshme.
Gjiko – Kamarier Dhe Stomatolog
Gjiko ka pak kohë që është bërë i njohur si këngëtar, por më parë ka qenë kamarier sipas atyre që thotë Dj Blunt. Në një emision “Xing me Ermalin”, Gjiko u pyet në lidhje me këtë çështje dhe deklaroi: “Jo sanduiçë nuk kam shitur, por mund të ta bëj një sanduiç shumë të mirë pa problem!”.Gjithashtu ai ka përfunduar studimet për Stomatologji.
Labinot Gashi – Kamerier
Sot është një nga moderatorët më të njohur në Kosovë, por Labinot Gashi dikur ka punuar si kamerier. Ai ka rrëfyer se paguhej mirë për shkak të bakshisheve që u linin.
Maja – Punonte Në Fabrikë
Këngëtarja e njohur e ftuar në një emision ka kujtuar kohën kur ajo ka emigruar në Gjermani, ku në moshë fare të vogël ajo është përballur me shumë vështirësi.
“Shkova për shkollë dhe aty më adoptoi një zonjë në Gjermani, edhe pse isha mbi moshë, mbi 18 vjeçe. Fillova duke punuar, duke pastruar, në fabrikë në teatër etj. Puna më e vështirë që kam bërë ka qenë në fabrikë. Ishte punë monotone. Më mirë të jem në mal të mbledh çaj, sesa të bëj një punë monotone. Kam punuar 2 muaj aty”, rrëfeu këngëtarja e njohur.
Sinan Hoxha – Furrxhi
Sinan Hoxha është kthyer në artistin e dashur dhe të suksesshëm, por në fillimet e tij, puna që bënte, s’kishte aspak lidhje me skenën. Ai ka zbuluar se dikur zotëronte një furrë buke: “Kam punuar furrxhi, bëja bukë”. Dhe me shumë mund dhe punë ai arriti të bëhej sot një nga këngëtarët më të famshëm.
Në vijim Pamfleti do ju sjellë të tjerë personazhe të famshëm të cilët e kanë filluar karrierën e tyre nga asgjëja.
