Inis Gjonit i është dashur të bëjë edhe nënën, edhe babain për vajzën e saj Coco Antonel pasi ish-bashkëshorti i saj i ndjerë nuk jeton më. E ftuar në emisionin e mëngjesit “Wake up”, Inisi e pyetur sesi ja ka shpjeguar Coco Antonelit mungesën e të atit, Inisi u shpreh se është treguar e sinqertë me vajzën.
“Figura e babait është një shtyllë e rëndësishme në jetën e gjithkujt, por ajo nuk e ka njohur. Megjithatë unë ja kam shpjeguar shumë thjeshtë duke i thënë se jeta është e tillë. Disa e kanë lart në qiell, disa janë të ndarë e disa të tjerë janë, por më mirë të mos ishin sepse s’kanë asnjë lloj përgjegjësie”, u shpreh regjisorja.
