Një ngjarje e rëndë ka ndodhur ditën djeshme, pasi ka ndërruar jetë në moshë të re Amarildo Mekollari, një nga themeluesit e LRI.

Lajmin për ndarjen nga jeta të djalit nga Skrapari e ka bërë me dije ish-deputetja e LSI-së, Erisa Xhixho.

Përmes një shënimi në facebook, Xhixho prek me fjalët e ndjera për bashkëpunëtorin e saj, të cilin e kujton përherë me buzëqeshje dhe pozitivitet.

Shënimi i plotë: Më trishtove shumë mik i mirë, bashkëpunëtor i çmuar në krijimin e LRI-së. Sa e pabesë kjo flamë Covid-19 që të mori e të largoi nga ne fizikisht, pasi ti do jesh me ne dhe në kujtimet tona përgjithmonë. Prehu i qetë mik i mirë e mos ki merak, sepse Beta dhe engjëlli juaj nuk do jenë vetëm, por do të kenë gjithmonë pranë miqtë e tu.

Për mua do të mbetesh Amarildoja Mekollari i Skraparit, që më priste me buzëqeshje e plot pozitivitet. Do na mungosh shumë. Ngushellime Betës dhe familjes.